第二集 第二十三回 瘟富翁误堕迷途 名校书安心淴浴（4 / 7）

万开外，又不肯坏了良心，敲客人的竹杠，所以生意虽然甚好，总是不够开销，以致亏空愈拖愈重；前节又被客人漂了两笔局帐，各店帐开销不转，几乎坏了名头，生意做不下去。添枝带叶，细细的向邱八说了一遍。又道：“倪故歇想起来，做仔格个断命生意，总归呒拨收梢，倪倒是早点肯坏坏良心末，也勿造至于弄到实梗样式，故歇倒是上勿上，落勿落，要除脱仔牌子勿做生意末，倪坍勿起格个台，要做下去末，倪实在拖勿起格亏空。八少，耐替倪想想看，叫倪阿有啥格法子？”

邱八听了，哈哈的笑道：“我道你是什么天大的事情，要急得这般模样。原来不过是为着一点儿亏空，也值得放在心上，这样的张皇，难道我姓邱的这点事儿都担当不起么？”黛玉道：“耐八少看仔格点亏空自然呒啥希奇，像倪陆里想得出啥法子？”邱八道：“你究竟有若干亏空，不妨对我说明，待我替你慢慢的想法。”黛王朝着邱八看了一眼，面上做出一付感激的样儿，却又朝他摇手，道：“谢谢耐格好心，肯替倪想法，原是再好勿有格事体，不过倪无缘无故拿仔耐格洋钱，叫倪心浪陆里意得过，故歇倪想起来，随便那哼总归还是嫁仔人格好。不过倪要嫁起人来，比仔别个倌人加二烦难。倪勒浪上海滩浪总算有点名气，老实说推扳点格客人，倪也看俚勿上。再说起格排滑头码子格年轻客人，要讨倪转去格多煞来浪，格是加二勿连牵哉。格个嫁人是一生一世格正经事体，勿是勒浪弄白相，倪又勿比格排呒拨长心格倌人，嫁仔人再要出来做生意。倪要末勿嫁，嫁仔人末陆里再好出来，所以倪拣来拣去，总归呒拨中意格客人，像耐人少一样格客人，倪看得总算中意格哉，耐人少咿是格规规矩矩格人，陆里肯讨格倌人转去？八少耐去搭倪想嗫；倪看中仔客人末，客人笃勿肯要倪；客人看中倪末，偏生倪又勿肯嫁俚。说来说去，总归一格勿成功。倪格种人活勒世浪，真真叫作孽嗫！”说着把眼睛挤了一挤，觉得眼里酸酸的好像又要流下泪来。